Halyq sanaǵyn júrgizetin mamandar keıbir úılerge polısııamen birge barady. Bul týraly ákimshilik polısııa komıtetiniń erekshe tapsyrmalar jónindegi aǵa ınspektory Azamat Qurymbaev aıtty, dep habarlaıdy Egemen.kz.
«Negizgi maqsat – sanaq júrgizetin mamandardyń qaýipsizdigin qamtamasyz etý jáne zańsyz áreketterdiń aldyn alý. Búginde birlesip jumys isteý tártibi bekitildi», dedi Azamat Qurymbaev ortalyq kommýnıkasııalar qyzmetinde ótken onlaın brıfıngte.
Onyń aıtýynsha, ýchaskelik ınspektorlar qajet bolǵan jaǵdaıda saıjaılar men jataqhanalarǵa ıntervıýlermen birge barady.
«Sondaı-aq sanaq júrgizetin mamandar tirkeýde turǵan adamdar men turmysy nashar otbasylarǵa barǵanda polıseıler olardyń janynda bolady», dep túsindirdi aǵa ınspektor.
Aıta keteri, búginnen bastap halyq sanaǵy aıasynda ıntervıýerler úı-úıdi aralap, onlaın sanaqtan ótpegen adamdardyń saýalnama paraqshalaryn toltyrady. Oǵan shamamen 20-30 mınýt ketedi. Degenmen 15 qazanǵa deıin onlaın sanaqtan ótýge bolady. Al ıntervıýer kelgende SMS-habarlamany kórsete salý qajet.