Soltústikqazaqstandyq jáne pavlodarlyq polıseıler birlese áreket ete otyryp kezekti mal urlyǵyn áshkereledi.
Ýálıhanov aýdandyq ishki ister bólimine Mortyq aýylynyń bir top turǵyny shaǵym túsirip, 40 shaqty jylqynyń joǵalyp ketkenin jetkizgen edi. Oqıǵa bolǵan jerge AIIB basshysynyń orynbasary Erjan Arǵynbaev basqarǵan tergeý-jedel toby kelip, izdestirý jumystaryn júrgizgenimen, aýa raıynyń qolaısyzdyǵy, uıaly baılanystyń joqtyǵy jaǵdaıdy kúrdelendire túsken. Sonyń saldarynan iz kesýge polısııanyń qosymsha kúshi jumyldyryldy. Attyly eki adamnyń bir tabyn jylqyny Pavlodar oblysynyń Ertis aýdanyna qaraı aıdap bara jatqanyn kórgen kýálerdiń habarynan keıin jedel top kórshi oblysqa bettegen. Urylar Maıqońyr eldi mekeninde qolǵa tústi. Olar osy aýyldyń turǵyndary bolyp shyqty.
Tekserý amaldary barysynda urlanǵan jylqylardyń bir bóligi soıylǵany, bir bóliginiń aýyldastarynyń joǵalǵan maldarynyń ornyna taratylǵany málim boldy.
Dınara SAǴYNDYQOVA,
OIID baspasóz qyzmetiniń bas mamany.
Soltústik Qazaqstan oblysy.