О́skemen qalasynda polısııa qyzmetkerleri kópirden sýǵa sekirgen er adamdy qutqaryp qaldy, dep habarlaıdy Egemen.kz.
ShQO Polısııa departamenti baspasóz qyzmetiniń málimetine súıensek, keshe saǵat 22.50 shamasynda polısııaǵa Úlbi kópirinen er adamnyń sekireıin dep turǵandyǵy týraly habar tústi. Oqıǵa ornyna tártip saqshylary Bekarys Abdoldanov, Azat Artambaev pen Dıdar Bolatbaev shuǵyl kelip jetti.
«Polıseıler jigitti áńgimege tartyp, teris qadamǵa barmaýǵa shaqyrdy. Sol kezde kópirdiń astyna krımınaldyq polısııa basqarmasynyń qyzmetkerleri Erik Ersaınov pen Aıan Sembaev kelip jetti. Kenet sózge qulaq aspaǵan azamat kópirden sekirip, sýǵa qulady. Buny kórgen Erik lezde kıimin sheship, qutqarýǵa umtylǵan. Kóp uzamaı ony ustap alyp jaǵaǵa jetkizdi», dep habarlady vedomstvo ókilderi.
23 jastaǵy jigit aýrýhanaǵa jetkizildi. Sońynan belgili bolǵandaı, onyń mundaı qadamǵa barýyna súıiktisimen renjisip qalýy sebep bolǵan.