Shyǵys Qazaqstan oblysy Kókpekti aýdanynda maral atqan brakoner ustaldy, dep habarlaıdy Egemen.kz.
Kezekti reıd kezinde Kókpekti aýyldyq okrýgindegi Tolaǵaı taýy tusynda ketip bara jatqan kólik toqtatylǵan. Tekserý kezinde kóliktiń júk salǵyshynan maral eti tabyldy.
«9 qap et, «Vepr 308» markaly karabın atys qarýy, 10 oq, maraldyń 2 múıizi, pyshaq jáne balta tárkilendi. Er adamnyń jabaıy ańdy atýǵa ruqsat qaǵazy bolmaǵan», dep habarlady ShQO orman sharýashylyǵy jáne janýarlar dúnıesi aýmaqtyq ınspeksııasynyń baspasóz qyzmeti.
Aýyl turǵynyn atalǵan fakti boıynsha QR QK 337-baby 1-bóligine (zańsyz ań aýlaý) sáıkes sotqa deıingi tergeý amaldary bastaldy.
Aıta keteıik, polısııa qyzmetkerleri, «Ohotzooprom» RMQK ókilderi, ShQO Orman sharýashylyǵy jáne janýarlar dúnıesi aýmaqtyq ınspeksııasy mamandary birlesken reıd júrgizip jatyr.