Ulttyq bank taratqan aqparat boıynsha bes jyl ishinde Qazaqstannan Kaıman araldaryna – 1,7 mlrd dollar, Lıýksembýrgke – 1,1 mlrd dollar, al eń kóp qarajat Nıderland eline – 17,6 mlrd dollar kóleminde ınvestısııa quıylǵan, dep habarlaıdy Egemen.kz.
«Buryn salynǵan qarajattyń naryqtyq quny ósti. Mysaly, Kaıman araldaryndaǵy qazaqstandyq aktıvterdiń qory bes jyl ishinde 500 mln dollarǵa ulǵaıdy. Byltyr Qazaqstannyń shetelge quıǵan ınvestısııa kólemi 1,4 mlrd dollar, 2016 jyly bul kórsetkish 4,3 mlrd dollardy quraǵan.
Nıderland memleketine mundaı kóp somanyń aýdarylýy osy elde qazaqstandyq birlesken kompanııalardyń kópten ashylýymen baılanysty. Bul elde salyq júıesi jeńildetilgen. Kaıman araldaryna keletin bolsaq, onda ujymdyq ınvestısııa qorlary belsendi damyǵan», deıdi Ulttyq Bank.