Astana áýejaıyndaǵy ishki reıster termınalynda tirkeýden ótip jatqan jolaýshynyń biri «bomba» týraly ázildep, reısten shettetildi. Keıin onyń «Qaırat» fýtbol klýbynyń dárigeri ekeni anyqtaldy, dep habarlaıdy Egemen.kz.
Oqıǵa tirkeý sóresinde bolǵan. Áýe qaýipsizdigi qyzmetkeriniń suraǵyna jaýap bergen jolaýshy D. Týralıev ázil retinde ózinde «bomba» baryn aıtqan. Osy sózden keıin áýejaı termınalyna kınologııalyq qyzmet mamandary men quqyq qorǵaý organdarynyń ókilderi shuǵyl jiberildi.
«Jarylǵysh zat bar»: Atyraý áýejaıynda jolaýshylar evakýasııalandy
Qaýipsizdik talaptaryna sáıkes jolaýshy dereý ustalyp, reısten túsirildi. Áýejaı qyzmetteri jaǵdaıdy tekserip, tıisti rásimderdi júrgizdi.
Mamandardyń aıtýynsha, áýejaı aýmaǵynda jarylǵysh qurylǵylarǵa qatysty ázil aıtýǵa da, mundaı sózderdi qoldanýǵa da qatań tyıym salynady. Mundaı málimdeme jalǵan bolsa da, ol qaýipsizdik algorıtmin tolyq iske qosýǵa negiz bolady. Bul reısterdiń keshigýine, jolaýshylardy evakýasııalaýǵa jáne qosymsha kúsh pen qural tartýǵa ákeledi.
Balqashtaǵy mektepterge jarylǵysh zat qoıylǵany ras pa
Quzyrly organdar áýe kóligi nysandarynda qaýipsizdik talaptaryn qatań saqtaý qajettigin eske saldy. Qoǵamdyq tártip pen jolaýshylar qaýipsizdigine qater tóndiretin kez kelgen áreket zań sheńberinde baǵalanady.
Bomba týraly jalǵan habarlama bergen azamat ustaldy