Parlament Senatynyń depýtaty Bıbigúl Jeksenbaı L.N. Gýmılev atyndaǵy Eýrazııa ulttyq ýnıversıtetinde ǵylymı ıntellıgensııa, jańa tehnologııalar jáne IT salasynyń ókilderimen kezdesti. Kezdesý barysynda senator elimizde keńinen talqylanyp jatqan jańa Konstıtýsııa jobasynyń mazmuny men mańyzyna toqtalyp, ony Ádiletti Qazaqstan qurý jolyndaǵy qoǵamdyq kelisimniń kórinisi retinde baǵalady, dep habarlaıdy Egemen.kz.
О́z sózinde B. Jeksenbaı jahandyq geosaıası jáne geoekonomıkalyq ózgerister jaǵdaıynda Qazaqstannyń saıası júıesin jańǵyrtý qajettigin atap ótti. Onyń aıtýynsha, jańa Ata zań – eldiń uzaqmerzimdi damý strategııasyn aıqyndaıtyn, táýelsizdik pen turaqtylyqty nyǵaıtatyn qujat.
Senator jańa Konstıtýsııanyń basty qundylyǵy – adam ekenin erekshe atap ótti. Jobaǵa sáıkes adam quqyqtary men bostandyqtary memlekettiń eń joǵary qundylyǵy retinde bekitiledi. О́mir súrý quqyǵynyń absolıýttik sıpaty, sóz jáne shyǵarmashylyq erkindigi, jeke ómirge qol suqpaýshylyq, sıfrlyq keńistiktegi quqyqtardy qorǵaý, ólim jazasyna tolyq tyıym salý sııaqty normalar naqty quqyqtyq kepildiktermen qamtamasyz etiledi.
Sonymen qatar otbasyn qorǵaý, turǵyn úıge qol suqpaýshylyq jáne ekologııalyq jaýapkershilik máseleleri Konstıtýsııalyq deńgeıde aıqyndalǵany aıtyldy.
Jańa Konstıtýsııa – partııaaralyq dıalogtyń basty taqyryby
B. Jeksenbaı Ulttyq quryltaıda kóterilgen bastamalardyń jańa Konstıtýsııada júıeli túrde kórinis tapqanyn atap ótti. Atap aıtqanda, bilim, ǵylym jáne ınnovasııany strategııalyq basymdyq retinde bekitý, sıfrlandyrýdyń ınstıtýsıonaldyq-quqyqtyq negizin qalyptastyrý, ulttyq biregeılik pen qoǵamdyq kelisimdi nyǵaıtý, azamattyq dıalog tetikterin keńeıtý máseleleri konstıtýsııalyq normalarǵa engizilgen.
Kezdesý barysynda jańa basqarý modeline de nazar aýdaryldy. «Kúshti Prezıdent – yqpaldy Parlament – esep beretin Úkimet» tujyrymdamasy bılik tarmaqtarynyń tepe-teńdigin qamtamasyz etýge baǵyttalǵan. Halyq keńesiniń róli azamattyq qoǵam men memleket arasyndaǵy turaqty dıalog alańy retinde aıqyndalǵany aıtyldy.
Jańa Konstıtýsııa jobasyna qatysty qandaı jalǵan aqparattar tarady?
Senatordyń aıtýynsha, jańa Konstıtýsııa – tek quqyqtyq qujat emes, ol bilimge, ınnovasııaǵa jáne adam kapıtalyna negizdelgen uzaqmerzimdi ulttyq damý modeliniń irgetasy.
Kezdesý sońynda qatysýshylar Konstıtýsııalyq reformanyń mańyzy týraly pikir almasty.
Jalpyulttyq koalısııa músheleri Batys Qazaqstan mashına jasaý zaýytynyń eńbek ujymymen Jańa Konstıtýsııa jobasyn talqylady
Aldaǵy referendým el bolashaǵyna qatysty mańyzdy sheshim bolmaq. Sondyqtan el azamattarynyń óz daýystaryn berýge senator shaqyrdy.