«QazAvtoJol» ulttyq kompanııasy respýblıkalyq mańyzy bar avtojoldardaǵy jaǵdaı týraly málimet berdi, dep habarlaıdy Egemen.kz.
2026 jylǵy 2 naýryz saǵat 08:00-degi jaǵdaı boıynsha aýa raıynyń kúrt nasharlaýyna baılanysty birqatar jol ýchaskelerinde barlyq kólik túrleriniń qozǵalysyna ýaqytsha shekteý engizildi.
Jetisý oblysy
«Úsharal – Dostyq» avtojolynyń 84-164 shaqyrymy aralyǵy (Kóktuma aýyly – Dostyq stansııasy ýchaskesi). Atalǵan jol bóliginde qozǵalys 2026 jylǵy 3 naýryz saǵat 10:00-de qaıta ashylady dep josparlanyp otyr.Pavlodar oblysy:
«Astana – Shiderti – Pavlodar – Ýspenka – RF shekarasy» avtojolynda (Qalqaman jolaıryǵy – Qalqaman aýylyna kireberis jáne Astana baǵytyna shyǵatyn tus) jolaıryqtyń ótkel qurylymyndaǵy shetki arqalyqtardyń zaqymdanýyna baılanysty qozǵalys shekteldi.Sınoptıkterdiń boljamynsha, 2 naýryz kúni elimizdiń birneshe óńirinde qar jaýyp, burqasyn soǵady, sondaı-aq tuman túsip, jel kúsheıedi. Soltústik jáne shyǵys aımaqtarda aýa temperatýrasy 30 gradýsqa deıin tómendeıdi. Al ońtústik óńirlerde qar aralas jaýyn-shashyn kútiledi.