Meksıkadaǵy Keretaro shtatynda qatty jańbyr jaýyp, ózen sýy tasydy. 3,5 myńnan astam turǵyn úı sý astynda qaldy, dep jazady Egemen.kz.
Milenio gazetiniń jazýynsha, búgin óńirde tabıǵı apattan kelgen shyǵyndy baǵalaý bastalady.
«Erteń 120 adam tizim qurastyrýǵa kirisedi, eldi mekenderde qansha adam turaqty túrde, qanshasy úı jaldap turyp jatqanyn sanaıdy. Biz soǵan qarap, múmkindigimizdi saralaımyz», dedi aımaq gýbernatory Maýrısıo Kýrı.
Áskerı qyzmetshiler men qutqarýshylar sý basqan aýdandardan 3 myńnan astam adamdy evakýasııalaǵan.
Qyrkúıek aıynyń basyndaǵy nóserden bolǵan sý tasqyny Idalgo shtatyndaǵy ondaǵan myń úıge zııan keltirdi. Sonyń ishinde Týla-de-Alende qalasy aıtarlyqtaı zardap shekti. Onda aýrýhanany sý basyp, ondaǵy naýqastar qaıtys boldy.
Tabıǵı apaty jalpy alǵanda 70 myńnan astam adamǵa áser etti. Ony joıýǵa júzdegen qutqarýshy, áskerı qyzmetshiler men Ulttyq ulan jaýyngerleri jumyldyryldy.