«Aqtaý teńiz porty» AEA keńeıtýdi josparlap otyr. Bul týraly QR Indýstrııa jáne ınfraqurylymdyq damý mınıstri Beıbit Atamqulov Úkimet otyrysynda aıtty, dep habarlaıdy Egemen.kz.
Úkimet otyrysynda ınfraqurylymmen qamtamasyz etilgen sýbaımaqtyń toltyrylýyna baılanysty №2 jáne №4 sýbaımaqtyń qurylysy usynylatyny atap ótildi.
Qazirgi ýaqytta «Aqtaý teńiz porty» AEA jeke ornalasqan 9 sýbzonadan turady, onyń ishinde 5 sýbzona ınfraqurylymmen qamtamasyz etilgen.
«Bul maqsattarǵa keshendi josparǵa sáıkes, 2023-2025 jyldar aralyǵyndaǵy qurylys merzimderimen 9,6 mlrd teńge kóleminde shyǵyndar qoldaý tabýda», dedi Beıbit Atamqulov.
Vedomstvonyń málimetinshe, atalǵan sýbaımaqtar jalpy ınvestısııa kólemi 327 mlrd teńge jáne 1200 jumys ornyn qurýmen AEA qatysýshylarynyń jobalary esebinen ıgeriletin bolady.
«Jobalardy iske asyrý óńir ekonomıkasyn ártaraptandyrý, qosymsha jumys oryndaryn qurý, bıýdjetke túsetin túsimderdi ulǵaıtý arqyly mýltıplıkatıvti áser etedi», - dep tolyqtyrdy mınıstr.