Saýda jáne ıntegrasııa mınıstri Baqyt Sultanov Parıjde álemdegi eń iri mashına jasaý kompanııasy Alstommen yntymaqtastyq týraly memorandýmǵa qol qoıdy, dep habarlaıdy Egemen.kz.
Birlestiktiń elimizdegi 2 zaýytynyń birinde elektrovoz qurasytyrylady. Endi ınvestor olardy kórshi elderge satýdy qolǵa alýǵa nıetti. Qazaqstandyq ónimge suranys joǵary bolý úshin otandyq materıaldardyń úlesin arttyryp, onyń kólemin 40 paıyzdan 60 paıyzǵa jetkizý kózdelgen.
«Otandyq materıaldyń úlesin arttyrýdan tehnıkanyń quny arzandap, básekelestikke qabilettiligi artýy tıis. Aralas óndiris damyp, bizdiń 2025 jylǵa deıin shıkizattyq emes eksportty eki eseleý týraly maqsatymyzǵa jetýge kómektesetin bolady», dedi QR Saýda jáne ıntegrasııa mınıstri Baqyt Sultanov.
«Bul Qazaqstanmen uzaq merzimdi qarym-qatynas ornatýǵa baǵyttalǵan taǵy bir qadamymyz. Bizdiń «Qazaqstan temir jolymen» kelisimshartymyz 30-40 jylǵa josparlanǵan. Qazaqstanda júrip jatqan poıyzdarǵa qyzmet kórsetýden bólek keleshekke josparymyz kóp», dedi ALSTOM kompanııasynyń aımaqtyq prezıdenti Endrıý Deleone.