Áıelder boksynan bıylǵy álem chempıonaty jeltoqsan aıynda Túrkııanyń Ystanbul qalasynda ótedi. Bul aqparatty AIBA-nyń resmı saıty taratyp otyr.
Áıelder boksynan álem chempıonatynyń tusaýy osydan týra 20 jyl buryn AQSh-tyń Skeleton qalasynda kesilgen bolatyn. Sol kezden beri 11 jarys uıymdastyryldy. Qazaqstan quramasynyń qorjynyna alǵashqy júldeni salǵan – Nazgúl Boranbaeva. 2003 jyly Nıý-Delıde uıymdastyrylǵan baıraqty básekede qazaq qyzy qola medaldi ıelengen edi. О́zderiniń eń zor tabysyna qyzdarymyz 2016 jyly Astanada shymyldyǵy túrilgen birinshilikte qol jetkizdi. Sol kezde Nazym Qyzaıbaı, Dına Jolaman, Valentına Halzova jáne Lázzat Kúngeıbaeva altynnan alqa taqsa, Jaına Shekerbekova men Aıjan Qojabekova qolaǵa qol sozǵan-tyn.
Osynyń aldyndaǵy álem chempıonatynyń jalaýy 2019 jyly Reseıdiń Ýlan-Ýde qalasynda jelbiredi. Bul básekeni jerlesterimiz qos qola medalmen qorytyndylady. Onyń ıegerleri – Mılana Safronova men Dına Islambekova.