Nur-Sultanda álemdik jáne dástúrli dinder kóshbasshylary sezi hatshylyǵynyń HIH otyrysy ótip jatyr, dep jazady Egemen.kz.
«Biz búgin hatshylyq otyrysynda Álemdik jáne dástúrli dinder lıderleriniń 7-sezin uıymdastyrýǵa qatysty máselelerdi pysyqtaımyz. Búgingi tańda bul forým qazirgi zamandaǵy ózekti máselerdi talqylaıtyn asa mańyzdy halyqaralyq alańǵa aınaldy. Sezd beıbitshilikti nyǵaıtýdyń jáne mádenıetter arasyndaǵy yntymaqtastyqty damytýdyń ozyq úlgisin kórsetip keledi. Sondaı-aq dinaralyq toleranttylyqty arttyrýǵa úlken septigin tıgizýde. Sezd alǵash ret 2003 jyly Qazaqstannyń Tuńǵysh Prezıdenti – Elbasy Nursultan Nazarbaevtyń bastamasymen shaqyrylǵany belgili. Forým jumysynyń tabysty bolýyna QR Prezıdenti Qasym-Jomart Toqaev basa mán berip keledi», dedi hatshylyq otyrysyn ashqan Senat tóraǵasy Máýlen Áshimbaev.
Sonymen qatar Senat spıkeri forýmdy jetekshi rýhanı lıderler men joǵary deńgeıdegi yqpaldy saıasatkerler qoldaıtynyn jetkizdi.