Atyraý oblysynyń ákimi Mahambet Dosmuhambetov Mahambet aýdanyndaǵy Ortaqshyl aýylynda órt saldarynan qaza tapqan balalardyń otbasyna kóńil aıtý jedelhatyn joldady, dep jazady Egemen.kz Atyraý oblysy óńirlik kommýnıkasııalar qyzmetine silteme jasap.
«Mahambet aýdany, Ortaqshyl aýylynda bolǵan qaıǵyly jaǵdaıǵa baılanysty, qaza bolǵan búldirshinderdiń otbasyna qaıǵyryp kóńil aıtamyn.
Bul - tutas halyq aýyr jaǵdaıda qabyldap otyrǵan qasiret.
Qaza bolǵan balalardyń otbasyna Atyraý oblysy ákimdigi tarapynan materıaldyq kómek kórsetiletin bolady.
Qazanyń arty jarassyn», delingen kóńil aıtý jedel hatynda.