Jańa jobalar – jastar enshisi

Demo Day alańynda startaptar tyń jobalardy tanystyryp, ınves­torlarmen kezdesý múmkindigine ıe boldy. Tabysty venchýrlik ınvestorlar, bıznes ókilderi startaptar men IT kompanııalarǵa ınvestısııa tartý tájirıbelerin bólisti.

Osynyń aldyndaǵy tórt kezeńde Astana Hub 100-den astam kásipkerdi, jańadan bastaǵan ınvestorlar men kompanııalar jetekshilerin ınvestısııa salý isine baýlydy. Bıyl bilim kýrsyna Almatydan 20 qatysýshy úshin oflaın jáne qalǵan óńirler úshin onlaın oqý qarastyrylǵan. Sonymen birge VC School-ǵa qatysýǵa Qazaqstan, О́zbekstan, Qyrǵyzstan, Ázerbaı­jan, Reseı, Belarýs, Ulybrıtanııa, Indonezııa jáne Gonkong sııaqty el­derden 200-ge jýyq ótinish kelip túsken. Álemde venchýrlyq ınvestorlar, negizinen er adamdar bolsa, VC School tyńdaýshylarynyń 25 paıyzyn názik jandar qurady. Olardyń arasynda kásipkerler, iri uıymdardyń menedjerleri, ınjenerler, taldaýshylar, zańgerler, jeke startaptardyń faýnderleri bar.

Astana Hub damý jáne eksport jó­nindegi basqarýshy dırektory Arkadıı Seleznev Astana Hub-tyń damý ıns-­ tıtýty ekendigin, ol startaptardyń paıda bolyp, damý múmkindigine ıe bolýlary úshin respýblıkanyń venchýrlyq júıesin qalyptastyrýǵa yqpal etip jatqanyn aıtty.

Bul is-sharanyń maqsatty aýdı­torııasy – startaptar men ınvestorlar. Birinshisi – Smart citi Almaty, onda Almatynyń sıfrlandyrý bas­qarmasynyń múddesine saı baǵdarlama jasaıtyn startaptarmen, ekinshisinde jańadan bastaǵan venchýrlyq ınves­torlarmen jumys isteý kózdelgen.

Startaptar – jańa ınnovasııalyq kompanııalar hám buryn júzege aspaǵan jobalar. Mundaı jobalarda, árıne ınvestorlar tabysqa kenelmes buryn táýekelge de barady. Venchýrlyq ınvestorlar dál osyndaı táýekelshil topqa jatady. Alaıda táýekelderdi azaıtý úshin aqyl kerek. Astana Hub ınvestorlarǵa tıimdi júzege asyrýdyń osyndaı múmkindikterin usynyp otyr.

Qazaqstan jáne TMD elderinen kelgen VC School bilim berý kýrsy­nyń tyńdaýshylary jaqyn arada óz qarjylaryn tehnologııalyq jobalar­ǵa salýdyń tıimdiligin qarastyrdy. Bári de – óz bilimin, tájirıbesin jáne qarjysyn startaptarmen bólisýge daıyn kásipkerler men óz mashy­ǵyn shyńdaǵysy keletin ınvestorlar. Olar ınnovasııalyq ekojúıe­niń erekshelikteri, jobalardyń paıplaınyn qalyptastyrý qaǵıda­la­ry jáne startapty egjeı-tegjeıli tal­daýdyń qyr-syryn meńgerip, TMD-nyń úzdik ınvestorlarymen tikeleı sóılesý múmkindigine ıe boldy.

YellowRockets Group kompanııa­synyń negizin qalaýshy Sergeı Bog­da­nov, YellowRockets.vc venchýrlyq qorynyń basqarýshy seriktesi Dmıt­rıı Sýtormın jáne FRII portfe­liniń basqarýshysy Ilıa Korolev venchýrlyq ınvestısııalar áleminiń erek­shelikterin qamtı otyryp, qatysý­shylar úshin keńeıtilgen baǵdarlama usyndy.

Astana Hub-pen yntymaqtastyq ba­rysy jaıynda aıtyp ótken Sergeı Bogdanov akselerasııa baǵdarlama­sy­na 3 jıyntyq jasalǵanyn atap ótip, ­startaptarmen jumys barysyna toqtaldy.

Dmıtrıı Sýtormın óz kezegin­de: «Qazaqstanda venchýrlik ınvestor­lardyń ekojúıesin damytý múmkindigi joǵary. Búginde halyqaralyq naryqqa shyǵatyn damyǵan ınfraqurylym, myqty bilim berý bazasy venchýrlyq ınvestorlardyń jańa otandyq pýlyn qurýǵa qolaıly», dep atap ótti.

VC School qatysýshysy, mektepterge arnalǵan OKOO jobasynyń negizin qalaýshy Dinmuhamed Júnisov óz baǵdarlamasynyń ınformatıka muǵalimderiniń úı jumysyn tekse­rýin avtomattandyryp jeńildetýge arnal­ǵanyn aıtty. Sonymen birge ol sabaqtyń ınteraktıvti, qyzyqty bolýyn qamtamasyz etedi. Jobasy eki jyldan beri qoldanysta. Nur-Sultan, Oral, Aqtaýda paıdalanýshylary bar. Bul jobaǵa aldaǵy ýaqytta Almatydaǵy mektepter de qosylýy múmkin.

Oqytýshy bolyp jumys istegen Dinmuhamed Júnisov muǵalimderdiń jumysyn jeńildetetin baǵdarlamalar qajet ekenin naryq ózi talap etip otyrǵandyǵyn aıtty. Erikti retinde fakýltatıvtik sabaqtar júrgizgen ol mektepterde ózekti máselelerdiń bar ekendigine kóz jetkizgen. Al olardy sheshýdi tehnologııalardyń kómegimen ǵana jyldamdatýǵa bolady. Alaıda ónimdi damytý úshin ınvestısııa kerek. Qazirgi kezde joba jetildirilip, on adam jumys isteýde. Olardyń kópshiligi sheteldiń kompanııalarynda tájirıbeden ótken.

Dinmuhamed Júnisov Monolife kom­panııasynda baǵdarlamashy bolyp istegen. Sonymen birge jobany ázir­leýshilerdiń Facebook, Apple kom­panııalarynda jumys tájirıbesi bar. Bastapqyda qatelikterdiń bolǵa­nyn aıtyp ótken maman jastarmen óz tájirıbesin bólisýge daıyn. Aıtýynsha, elimizde IT salasyn damy­tý úshin mektep jasynan bastap bala­lardyń tıisti bilimin arttyrý kerek.

VC School mektebi aıasynda quqyq­tyq máseleler men mámilelerdi qury­lymdaýdyń tanymal formattary sóz boldy. Qatysýshylar «portfeldi basqarý» sııaqty uǵymdy zertteýmen bir­ge, venchýrlyq naryqqa qatysý­shy­lardyń strategııalarymen tanysty.