Pavlodar oblysy Qarajar aýylynyń turǵyndary áleýmettik jelide qar basqan kósheler men aýlanyń sýretteri men vıdeolaryn jarııalady, dep habarlaıdy Egemen.kz.
5 qazanda Baıanaýyl aýdanynda qolaısyz aýa raıy bolyp, birneshe aýyldyq okrýgke qar qalyń tústi. Ásirese Qarajar aýylyn 20-50 santımetrge jetetin qar basyp qaldy. Munda bir jarym aıda túsetin qar bir-aq kúnde jaýǵan. Aýyl turǵyndary qazan aıynyń basynda jaýǵan qardyń mólsherine tań qalǵandaryn jasyrmady.
«Aldymen qar aralas jańbyr jaýdy, sodan keıin tún boıy boran boldy. Qardyń qalyń jaýǵanynan aýlanyń esikteri jabylyp qalǵan. Tańerteń esikti aýlalardy qazyp ashýǵa týra keldi. Qazan aıynda qardyń osynsha qalyń jaýǵan ýaqyty sońǵy ret qashan bolǵany esimizde joq», deıdi jergilikti turǵyndar.
Adamdar bárinen buryn aýa raıynyń qolaısyzdyǵynan jaıylymda qalǵan malǵa alańdady.
Sınoptıkterdiń málimetinshe, qazannyń 5-nen 6-na qaraǵan túni Baıanaýyl aýdanyna ǵana emes, Ekibastuzǵa da qar jaýǵan.
Al, 7 qazannan bastap Pavlodar oblysynda kún jylynady degen boljam bar. Aldaǵy kúnderi kúndiz 10-12 gradýsqa deıin jylynady, al túnde 0-den 2 gradýsqa deıin bolady dep boljanyp otyr.