Jyl sońyna deıin elimizde stýdentterge arnalǵan 23 jataqhana paıdalanýǵa beriledi. Májilis depýtattarynyń saýalyna bergen jaýabynda QR Premer-Mınıstriniń orynbasary Eraly Toǵjanov osylaı málimdedi, dep habarlaıdy Egemen.kz.
«Elbasynyń Úshinshi áleýmettik bastamasy aıasynda 2020 jyly 20 myń tósek-orynǵa arnalǵan 75 nysan paıdalanýǵa berildi. Sonymen qatar, bıyl jyl basynan bastap 3 myń tósek-orynǵa arnalǵan 15 jataqhana paıdalanýǵa berilgen edi», dep atap ótedi Úkimet basshysynyń orynbasary jaýabynda.
Onyń málimetinshe, 2021 jyldyń sońyna deıin jasalǵan aldyn ala sharttar esebinen 5,5 myń tósek-orynǵa arnalǵan 23 jataqhanany paıdalanýǵa berý josparlanǵan.
«Budan basqa, segiz oqý orny turǵyn úı-jaılardy jalǵa alý esebinen 2 myńǵa jýyq tósek-orynǵa qajettilikti qamtamasyz etip otyr. Al, 2022 jyly 24 myńǵa jýyq oryndyq 59 jataqhanany, 2023 jyly 11,5 myń oryndyq 25 jataqhanany paıdalanýǵa berý josparlanýda», dedi Eraly Toǵjanov.