Astana – Premier Tech álemdik týrynyń kásibı velosıped komandasy 2022 jyly jańa ataýǵa ıe bolady. Qazaqstan velosıped jobasy kelesi maýsymda Astana Qazaqstan Team degen ataýmen óner kórsetedi, dep habarlaıdy Egemen.kz.
Bul týraly QR Ulttyq olımpıada komıteti málimdedi.
«2022 jyldan bastap bizdiń velokomanda elimiz úshin erekshe mańyzǵa ıe Astana Qazaqstan Team jańa ataýymen óner kórsetedi. Veloshabandozdardyń jeıdesi men komanda logotıpinde elimizdiń ataýy bolady. Bul bir jaǵynan dástúr sabaqtastyǵyn bildirse, ekinshi jaǵynan Qazaqstan ımıldin halyqaralyq arenada tanytý jáne otandyq velosıped sportyn damytý syndy eki mańyzdy maqsat jolynda jańǵyrý sátine aınalmaq.
Jobanyń ekinshi tynysy ashylyp, ol jańa damý jolyna kóshýge daıyndalyp jatyr. Qazaqstan velosport federasııasy jańa komandanyń damýynda jáne josparlaryn iske asyrýda mańyzdy rólge ıe bolǵany úshin qýanyshtym. Bizdiń federasııa Astana Qazaqstan Team komanasynyń dırektorlar keńesine de, menedjmentine de qatysatyny úshin qýanyp otyrmyn», dedi Qazaqstan velosport federasııasynyń prezıdenti Nurlan Smaǵulov.
Sondaı-aq bul sheshimge komandanyń bas menedjeri Aleksandr Vınokýrovta pikir bildirdi.
«Bizdiń komanda Astana Qazaqstan Team atty jańa brendpen damıtynyna qýanyshtymyn. Bul komanda basshylyǵyna bas menedjer retinde qaıta oralǵanymdy maqtan tutamyn. 16 jyl boıy «Astana» jobasy elimizdiń álemdik sporttaǵy vızıttik kartochkasy. Qazaqstan Respýblıkasynyń basshylyǵyna kópjyldyq qoldaý men senim artqany úshin alǵys aıtamyn.
Astana Qazaqstan Team – komandanyń jańa ataýy ǵana emes, bul jobanyń jańartylǵan fılosofııasy. Qazirgi kezeńde jańa maýsymda daıyndalyp jatyrmyz. Sondaı-aq qosymsha jobamen de aınalysýdamyz. Ol týraly taıaýda habarlaımyz», dedi A. Vınokýrov.