Grýzııanyń Batýmı qalasynda búgin túste kópqabatty úıdiń bir bóligi opyrylyp qulady, dep jazady Egemen.kz.
Oqıǵa ornyna jedel dárigerlik járdem men polısııa toptary jetip, arnaıy tehnıka jumys istep jatyr. Alǵashqy málimetter boıynsha, apattan japa shekkender bar, biraq naqty sany áli belgisiz. Kýágerlerdiń aıtýynsha, olar aldymen jarylys únin estip, keıin úıdiń bir bóligi opyrylyp qulaǵan. Sol bóliginde 12 otbasy turǵany belgili. Qutqarýshylar úıindilerdi arshyp, adamdardy shyǵaryp jatyr. Úı mańynda turǵan jáne qırandylar astynda qalǵan avtokólikten bala shyǵaryldy. Úıindiler astynda taǵy da on shaqty kólik qalyp otyr. Apatqa turmystyq gazdyń jarylýy sebep bolýy múmkin.
«Sebebin bilmeımiz, anyqtap jatyrmyz. Ázirshe túk aıta almaımyn. Balany mashınadan shyǵaryp aldy. Ol úıdiń qasynda avtokólikte otyrǵan edi.Biraq naqty aqparat joq, balany úıindilerden qutqarýshylar shyǵaryp aldy. Úı apatty jaǵdaıda bolǵan joq, qazir esh joramaldy rastaı almaımyz», dedi Batýmı meriniń orynbasary Lela Sýrmanıdze.