Aqmola oblysynda Qyzyl kitapqa engen aqqýdy atqandar ustaldy, dep habarlaıdy Egemen.kz Polisia.kz-ke silteme jasap.
7 qazanda Egindikól APB kezekshi bólimine aýmaqtyq orman sharýashylyǵy qyzmetkerinen telefon habarlamasy kelip tústi.
Ol «Juldyz» ańshylyq sharýashylyǵy aýmaǵynda belgisiz tulǵalardyń zańsyz ań aýlaýmen aınalysatynyn habarlady. Oqıǵa ornyna dereý kelgen polısııa qyzmetkerleri 41 jáne 42 jastaǵy Nur-Sultan qalasynyń eki turǵynyn anyqtady.
Oqıǵa bolǵan jerdi tekserý barysynda polısııa qyzmetkerleri bir aqqý ushasyn, ustalǵandarǵa tirkelgen eki myltyqty, sondaı-aq gılzalardy, 60-tan astam patrondy, patrontashty tárkiledi. Aldyn ala shyǵyn 5 mln 250 myń teńgeni quraıdy.
Qazirgi ýaqytta zańsyz ań aýlaý faktisi boıynsha Egindikól APB tergeý bólimi QR QK 337-baby boıynsha sotqa deıingi is bastady. Saraptama taǵaıyndaldy.
Esterińizge sala keteıik, aımaqta bul sýda júzetin qustardy aýlaýǵa tyıym salynǵan. Aqqýlar sırek kezdesetin jáne quryp ketý qaýpi tóngen janýarlar túrleriniń tizimine jatady jáne Qazaqstan Respýblıkasynyń Qyzyl kitabyna engizilgen.