QR Densaýlyq saqtaý mınıstri Alekseı Soı Májilistegi Úkimet saǵatynda sóılegen sózinde Qazaqstannyń qandaı óńirleri koronavırýs aýrýy boıynsha áli de «qyzyl» aımaqta qalyp otyrǵanyn habarlady, dep jazady Egemen.kz.
«Densaýlyq saqtaý mınıstrligi epıdemıologııalyq jaǵdaıdy boljam men matrısa negizinde baǵalaıdy, onyń kómegimen shekteý sharalaryn kúsheıtý nemese jeńildetý týraly sheshimder qabyldanady», dedi Alekseı Soı.
Mınıstr búginde Qazaqstan men 6 óńir (Almaty, Aqtóbe, Shyǵys Qazaqstan, Batys Qazaqstan, Qaraǵandy, Qostanaı) «sary» aımaqta ornalasqanyn habarlady.
«Jasyl» aımaqta - 6 óńir (Atyraý, Jambyl, Qyzylorda, Mańǵystaý, Túrkistan jáne Shymkent qalalary), 5 óńir (Aqmola, Pavlodar, Soltústik Qazaqstan, Almaty jáne Nur-Sultan qalalary) «qyzyl» aımaqta qalyp otyr.