QR Indýstrııa jáne ınfraqurylymdyq damý mınıstri Beıbit Atamqulov Eýropalyq Odaqtyń Qazaqstandaǵy Elshisi Kestýtıs Iаnkaýskaspen jáne quramyna EýroOdaq elderiniń avıasııalyq bılik jáne avıasııalyq qaýipsizdik jónindegi eýropalyq agenttiginiń ókilderi engen Eýropalyq Komıssııa delegasııasymen kezdesti, dep habarlaıdy Egemen.kz.
Eýropalyq delegasııa eldegi ushý qaýipsizdigin qadaǵalaý júıesiniń IKAO standarttaryna sáıkestigin baǵalaý jáne jergilikti áýe kompanııalarynyń sertıfıkattaý jáne qadaǵalaý júıesiniń jumys isteýin tekserý maqsatynda keldi.
Komıssııa sarapshylary QR avıasııalyq bıliginiń eldegi azamattyq áýe kemelerin paıdalanýshylardy baqylaý men qadaǵalaý júıesin tekseredi. Sapar eldiń avıasııalyq bılik oryndarynyń ushý qaýipsizdigi qaǵıdalarynyń saqtalýyn rastap qana qoımaı, ushý qaýipsizdigi úshin kez kelgen táýekeldi anyqtap, olardy baqylaýda tıimdi sharalar qabyldaı alatyndyǵyn rastaýǵa baǵyttalady.
Mınıstr bul baǵytta kóp jumys jasalǵanyn jáne eldegi ushý qaýipsizdigin arttyrý máselesinde ilgerileýshilik bar ekenin atap ótti.
Jalpy azamattyq avıasııany basqarý tásilderinde túbegeıli reforma júrgizildi. Qazirde Qazaqstannyń avıasııalyq ákimshiligi jumys isteıdi. Onyń negizgi fýnksııalary - ushý qaýipsizdigi men avıasııalyq qaýipsizdik salasyndaǵy tehnıkalyq baqylaý men qadaǵalaý. Brıtanııanyń azamattyq avıasııa agenttigimen (UKCAAi) kelisim jasaldy. Salany retteýdiń bul jańa modeli IKAO qujattaryna tolyq sáıkes keledi. 2021 jylǵy tamyzda QR IIDM júrgizgen jumys IKAO valıdasııalyq mıssııasy barysynda joǵary baǵalandy jáne Qazaqstanda IKAO standarttaryna sáıkestik deńgeıi 74%-dan 84%-ǵa deıin jetti. Bul ortasha álemdik kórsetkishten 15%-ǵa joǵary.
IKAO standarttaryna sáıkestik barlyq kórsetkishter boıynsha baıqalady:
- negizgi avıasııalyq zańnama (LEG) 61%-dan 81%-ǵa deıin;
- azamattyq avıasııa uıymy (ORG) 37%-dan 75%-ǵa deıin;
- aeronavıgasııalyq qyzmet kórsetý (ANS) 87%-dan 95%-ǵa deıin%;
- áýe aılaqtar jáne jerdegi quraldar (AGA) 56%-dan 90%-ǵa deıin%;
- avıasııalyq oqıǵalar men ınsıdentterdi tekserý (AIG) 47%-dan 53%-ǵa deıin ósti.
Nátıjesinde bul turǵydan Qazaqstan Nıderlandy – 87%; Belgııa – 87%; Portýgalııa – 87%; Chehııa – 87%; Latvııa – 86%; Danııa – 85%; Islandııa – 84%; Polsha – 84%; Slovenııa - 82%, Kıpr - 82% sııaqty damyǵan elderdiń deńgeıine jetti.