Alekseı Soı Qazaqstandaǵy kovıd naýqastarǵa arnalǵan aýrýhanalardyń jabylýy týraly aıtty, dep habarlaıdy Egemen.kz.
Bul týraly Densaýlyq saqtaý mınıstri Facebook-tegi paraqshasynda jazdy.
«О́ńirlerdegi epıdemıologııalyq ahýaldyń jaqsarýyna baılanysty 25 tamyzdan bastap kovıd naýqastarǵa arnalǵan aýrýhana retinde kómekke jumyldyrylǵan 103 nysan (33 465 tósek-oryn) jabyldy. Qajet bolǵan jaǵdaıda, bul oryndar rezervtik retinde qaıta paıdalanýǵa beriledi», delingen habarlamada.
Aıta ketelik, elimizde 908 847 adam koronavırýs ınfeksııasyn juqtyrǵan.
О́ńirler arasynda koronavırýs ınfeksııasyn juqtyrǵandar sany boıynsha Almaty men Nur-Sultan qalalary kósh bastap tur. Aýrý juqtyrǵandardyń eń az mólsheri Mańǵystaý oblysynda tirkeldi.