30 qyrkúıekte Úlbi polısııa bóliminiń 102 jedel arnasyna qala turǵyny habarlasyp, 2021 jyldyń 28 qyrkúıeginde paraqorlyq oqıǵasy oryn alǵanyn aıtty, dep habarlaıdy Egemen.kz.
Aryzdanýshynyń aıtýynsha, ulyn B. esimdi azamat qaladaǵy ýnıversıtetterdiń birine tegin oqýǵa túsýge kómek kórsetemin degen syltaýmen qala aýlalarynyń birinde turyp, 750 myń teńge somasyndaǵy aqsha qarajatyn ıemdengen.
– Jedel-tergeý is-sharalaryn júrgizý kezinde polısııa qyzmetkerleri kúdiktini polısııa bólimine jetkizdi. Atalǵan fakti boıynsha QR QK 190-baby 1-bóligi boıynsha sotqa deıingi tergeý amaldary bastaldy, - dedi О́skemen qalasy PB bastyǵy polısııa polkovnıgi Andreı Mýla.