Qazaqstan jáne Belarýs Premer-Mınıstrleriniń qurylys salasyndaǵy ýaǵdalastyqtaryn iske asyrý boıynsha odan ári birlesken is-qımyldardy aıqyndaý úshin QR Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaev Belarýs Respýblıkasynyń Tótenshe jáne О́kiletti Elshisi Pavel Ýtıýpınmen kezdesti, dep habarlaıdy Egemen.kz.
Kezdesý barysynda Qazaqstandaǵy «Belarýs oramy» kóppáterli turǵyn úı aýdanynyń qurylysy, Belarýs qurylys materıaldaryn satatyn saýda úıin ashý, keramıkalyq plıtkalar óndirisi boıynsha birlesken kásiporyn qurý jobalary talqylandy.
Qaıyrbek О́skenbaev bıyl tamyz aıynyń sońynda ótken qazaqstandyq delegasııanyń saparyn uıymdastyrǵany úshin Belarýs tarapyna alǵysyn bildirdi. Pavel Ýtıýpın óz kezeginde elderimiz arasyndaǵy yntymaqtastyq áleýeti joǵary ekenin jáne osy baǵytta jumysty jalǵastyrý qajettigin aıtty. Kezdesý sońynda qatysýshylar suhbat úshin rızashylyqtaryn bildirip, Qazaqstan men Belarýs arasyndaǵy qarym-qatynastardy odan ári damytýdyń mańyzdylyǵyn atap ótti.