Beısenbi kúni Taıvannyń Gaosıýn qalasyndaǵy turǵyn úıden órt shyǵyp, kem degende 46 adam kóz jumǵan. Bul týraly Sınhýa agenttigi málim etti, dep habarlaıdy Egemen.kz.
14 qazanǵa qaraǵan túni Taıvannyń Gaosıýn qalasyndaǵy kópqabatty ǵımarattan órt shyqty. Tótenshe jaǵdaı saldarynan kem degende 46 adam kóz jumyp, 41 adam jaraqat aldy.
Jergilikti BAQ-tyń habarlaýynsha, kópfýnksııaly ǵımarat 40 jyl buryn salynǵan, apat kezinde onda 140 adam turyp jatqan. Qutqarýshylar iri órtti aýyzdyqtady. Qazirgi kezde TJ sebebin anyqtaý maqsatynda zertteý júrip jatyr.