О́tken demalys kúnderi Taraz shekara otrıadynyń shekarashylary zańsyz jolmen shekaradan barlyǵy 22 bas jylqyny ótkizbek bolǵandardyń jolyn kesti, dep habarlady QR UQK ShQ-nyń baspasóz qyzmeti.
«Jasórken» zastava shekarashylary zańsyz jolmen jylqy aıdap kele jatqan 2 adamdy ustady, onyń biri Qyrǵyzstan azamaty bolsa, ekinshisi ózimizdiń otandasymyz bolyp shyqty. Ustalǵandar 14 bas jylqyny kórshi memleketten bizdiń elge ótkizbek bolǵan.
Budan bir kún keıin «Shóldala» shekara zastavasynyń shekarashylary shekaranyń buzylǵandyǵyn jáne ondaǵy belgisiz izderdi anyqtaǵan bolatyn. Izdestirý sharalaryn uıymdastyrý nátıjesinde álgi izder «Bektóbe» eldi mekenindegi bir úıge alyp keldi. Úı ıesi zańsyz ótken jylqylardy «KamAZ» júk kóligine tıep jatqan kezde qolǵa tústi. Al 8 bas jylqy zastavaǵa qamaldy, olardyń keıingi taǵdyryn sheshý úshin isti QR QK 209-babynyń 1-tarmaǵyna sáıkes Jambyl aýdandyq prokýratýrasyna berý kózdelip otyr.
Atalǵan derekter boıynsha Jambyl oblystyq quqyq qorǵaý organdary men Ońtústik aýmaqtyq áskerı prokýratýrasy habarlandyryldy.