Sátbaev qalasynda bes jasar qyzdy zorlaǵan qylmyskerler sot sheshimin ózgertýdi surap, appelıasııalyq shaǵym túsirdi, dep habarlaıdy Egemen.kz.
Qaraǵandy oblystyq sotyna Sátbaevta bes jasar qyz balany zorlaý isi boıynsha sottalǵan erli-zaıyptylardan úkimdi jeńildetý týraly appelıasııalyq shaǵymdar kelip tústi.
«Sottalǵandar appelıasııaǵa berdi. Alaıda sot jabyq prosesti qaraý satysynda túsinikteme bere almaıdy», dep túsindirdi Qaraǵandy oblystyq sotynyń baspasóz qyzmeti.
Eske sala ketsek, bul oqıǵa 23 shildede boldy. Sátbaev qalasynyń polısııasyna Jezqazǵan turǵyny óziniń 5 jasar qyzy joǵalyp ketkeni týraly habarlaǵan. Sátbaev qalalyq polısııa bóliminiń barlyq quramy men volonterler izdeý sharalarynyń nátıjesinde 5 jasar bala kópqabatty úıdegi páterlerdiń birinen tabyldy.