Qasym-Jomart Toqaevqa Azııadaǵy ózara is-qımyl jáne senim sharalary jónindegi keńeske Qazaqstan tóraǵalyǵynyń birinshi jylynyń qorytyndylary týraly málimet berildi, dep habarlaıdy Egemen.kz Aqordaǵa silteme jasap.
Sonymen qatar Hatshylyqtyń qazirgi qyzmetindegi basym baǵyttardyń biri retinde forýmnyń ınstıtýsıonaldyq damýyna qatysty júrgizilip jatqan jumystarǵa erekshe nazar aýdaryldy.
Osy rette, AО́SShK Hatshylyǵynyń atqarýshy dırektory Qaırat Sarybaı Memleket basshysyna Aqylmandar keńesin qurýǵa jáne AО́SShK-tiń Taldaý ortalyqtarynyń forýmyn turaqty jumys isteıtin konsýltatıvtik alań retinde qaıta qurýǵa qatysty bastamalarynyń iske asyrylýy týraly málimet berdi.
Kezdesý barysynda Qasym-Jomart Toqaevqa AО́SShK aıasynda Azııa aýmaǵyndaǵy senim men yntymaqtastyqty nyǵaıtýǵa baǵyttalǵan 50-ge jýyq is-shara ótkizilgeni týraly aıtyldy.
Budan bólek, Qaırat Sarybaı Memleket basshysyna Keńestiń syrtqy saıası vedomstvo basshylarynyń jýyrda bolǵan kezdesýiniń negizgi qorytyndylary men 2022 jyly Nur-Sultan qalasynda ótetin AО́SShK-tiń VI Sammıtine daıyndyq jumystary týraly baıandady.
Qazaqstan Prezıdenti joǵary deńgeıdegi aldaǵy jıynǵa tııanaqty daıyndalýdyń, sonyń ishinde mańyzdy máseleler men uıymdastyrý jumystaryn pysyqtaýdyń mańyzdy ekenine basa mán berdi.