WKF karateden erler men áıelder arasyndaǵy Qazaqstan chempıonaty aıaqtaldy, dep habarlaıdy Egemen.kz.
Áıelder arasyndaǵy komandalyq kata boıynsha Batys Qazaqstan oblysynyń karateshileri úzdik atandy. Al jeke katada Lııa Qoshqarbaevaǵa teń kelgender bolmady.
Al erler arasyndaǵy komandalyq katada Qyzylorda oblysynan kelgen Erdos Kenjalıev, Danııar Serikov jáne Ǵabıden Urynbaev kósh bastady. Jeke esepte Túrkistan oblysynan kelgen Mádı Kateshov úzdik dep tanyldy.
Birinshilikte 55 kelige deıingi salmaq dárejesinde birinshi oryndy Andreı Aqtaýov (Aqtóbe oblysy) ıelense, 68 kelige deıingi salmaqta Azııa oıyndarynyń eki dúrkin altyn júldegeri Gýzalııa Gafýrovaǵa (Jambyl oblysy) teń túskender bolmady. Ekeýi de Azııa oıyndarynyń jeńimpazy bolǵanyn aıta keteıik.
Qyzylordalyq Móldir Jańbyrbaı (55 kelige deıin) jeńis tuǵyrynan kórindi. Sonymen qatar, Nurqanat Ajyqanov (Aqtóbe oblysy) 75 kelige deıingi salmaq dárejesinde chempıon atandy.
Jalpykomandalyq esep boıynsha birinshi oryn Mańǵystaý oblysynda, ekinshi oryn Túrkistan oblysy, al úzdik úshtikti Qyzylorda oblysynan kelgen sportshylar qorytyndylady.