Elordalyq Kólik jáne jol-kólik ınfraqurylymyn damytý basqarmasy Nur-Sultan qalasy PD ákimshilik polısııa basqarmasynyń kelisimimen jol qozǵalysy qaýipsizdigin qamtamasyz etý maqsatynda Ál-Farabı dańǵylynyń júrý bóligin keńeıtý jumystaryn jalǵastyrýda, dep habarlaıdy Egemen.kz.
Ál-Farabı dańǵylynyń júris bóligin keńeıtý sheńberinde R.Qoshqarbaev dańǵyly men Ál-Farabı dańǵylynyń qıylysynda ornalasqan kólik aıryǵynan Imanaq kóshesine deıingi ýchaskede (Jeleznodorojnyı TM) temir joldardy keńeıtý boıynsha jumystar júrgiziletin bolady. Osyǵan baılanysty osy jyldyń 25-28 qazan aralyǵynda kórsetilgen ýchaskede avtokólik quraldary úshin qozǵalys tolyǵymen jabylady.
«Qala joldarynda keptelis týdyrmaý úshin elorda turǵyndary men qonaqtary óz qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystaryn júrgizýge túsinistikpen qaraýdy suraımyz», delingen kólik basqarmasynyń habarlamasynda.