QR Ulttyq bankiniń Aqsha-kredıt saıasaty jónindegi komıteti bazalyq mólsherlemeni +/-1,00 p.t. paıyzdyq dálizimen jyldyq 9,75% deńgeıinde belgileý týraly sheshim qabyldady Egemen.kz.
Bul týraly Ulttyq banktiń baspasóz qyzmeti málimdedi.
Tıisinshe ótimdilikti usyný jónindegi turaqty qoljetimdi operasııalar boıynsha mólsherleme 10,75%, al ótimdilikti alý jónindegi turaqty qoljetimdi operasııalar boıynsha mólsherleme – 8,75% bolady. Sheshim ekonomıkada saqtalyp otyrǵan ınflıasııaǵa qarsy qysym aıasynda qabyldandy, onyń nátıjesinde ınflıasııa 2021 jyly 7,5-8,5% boljamdy aýqymnan, álemdik naryqtardaǵy baǵalardyń ósýinen, saýda áriptes elderdegi ınflıasııanyń jedeldeýinen jáne el ishindegi joǵary ınflıasııalyq kútýlerden joǵary qalyptasady.
Syrtqy ınflıasııalyq ahýal qolaısyz bolyp qalýda. Bul álemdegi azyq-túlik baǵasynyń joǵary bolýyna, jetkizilim qatarynyń úzilisterine, tasymaldaý, shıkizat pen energııa tasymaldaýshylar qunynyń ósýine, sondaı-aq ishki suranystyń qalpyna kelýine baılanysty.
FAO azyq-túlik baǵalarynyń ındeksi 2021 jylǵy qyrkúıekte azyq-túlik taýarlarynyń barlyq shaǵyn toptaryna baǵanyń artýy nátıjesinde jyldyq kórsetýde 32,8%-ǵa ósti.