Elordada dárigerler tóbesine metall konstrýksııa qulaǵan áıeldiń jaǵdaıy týraly aıtty, dep habarlaıdy Egemen.kz.
«Qazirgi ýaqytta naýqas óte aýyr halde reanımasııa bóliminde jatyr. Pasıent dárigerlerdiń jiti baqylaýynda. Qajetti medısınalyq kómek kórsetilip jatyr», dedi Nur-Sultan qalasy Qoǵamdyq densaýlyq saqtaý basqarmasynan.
Eske sala ketsek, 22 qazan kúni Nur-Sultanda kópqabatty úı shatyrynan metall konstrýksııasy qulady. Oqys oqıǵa saldarynan 56 jastaǵy áıel túrli jaraqat alyp, jansaqtaý bólimine tústi.
Sondaı-aq, qalalyq Polısııa departamenti bolǵan oqıǵaǵa qatysty QR Qylmystyq kodeksiniń 306-babyna sáıkes sotqa deıingi tergeý amalynyń bastalǵanyn habarlady.