Mádenıet jáne sport mınıstrligi «Qazaqstan Respýblıkasy Prezıdentiniń 2021 jylǵa arnalǵan stıpendııasyn joǵary oqý oryndary boıynsha bólý týraly» buıryq jobasyn daıyndady, dep habarlaıdy Egemen.kz.
«Qazaqstan Respýblıkasy Mádenıet jáne sport mınıstrliginiń Ekonomıka jáne qarjy departamenti qosa berilip otyrǵan bólýge sáıkes tıisti qarjy jylyna arnalǵan respýblıkalyq bıýdjette kózdelgen qarajat sheginde joǵary oqý oryndaryna qarajat bólýdi qamtamasyz etsin», delingen qujatta.
Qosymshaǵa sáıkes 18 Prezıdenttik stıpendııa bólindi:
«Qurmanǵazy atyndaǵy Qazaq ulttyq konservatorııasy» RMM - 5 shákirtaqy; «Qazaq ulttyq óner ýnıversıteti» RMM - 9; «T.Q. Júrgenov atyndaǵy Qazaq ulttyq óner akademııasy» RMM - 4.Buıryq jobasy 9 qarashaǵa deıin «Ashyq NQA» saıtynda jarııa talqylaý úshin ornalastyrylǵan.