Qasym-Jomart Toqaev asa kórnekti ǵalym, fılologııa ǵylymdarynyń doktory, QR Ulttyq ǵylym akademııasynyń akademıgi Serik Smaıyluly Qırabaevtyń dúnıeden ótýine baılanysty otbasy men jaqyn týystaryna kóńil aıtý jedelhatyn joldady, dep habarlaıdy Egemen.kz.
– Serik Smaıyluly ónegeli ǵumyr keship, bar kúsh-jigerin otandyq ǵylymdy damytýǵa arnady. Qazaq ádebıetin tereń zerttep, ulttyq qazynamyzdy jarqyratyp kórsetýge sińirgen eńbegi óte mol. Kóptegen eńbekterdiń, monografııalardyń jáne oqýlyqtardyń avtory atandy. Bilikti mamandar daıarlaý isine de orasan zor úlesin qosqan edi. Sońyna óshpes iz, ǵylymı mol mura qaldyrǵan ulaǵatty ustaz Serik Smaıylulynyń jarqyn beınesi umytylmaıdy. Halqymyz esimin árdaıym ardaq tutady. Marqumnyń jany jánnatta, ımany salamat bolsyn, – dep jazylǵan Qazaqstan Prezıdentiniń jedelhatynda.