Energetıkalyq sektordy damytýǵa 205 mlrd dollar ınvestısııa qajet. Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy Egemen.kz.
«Negizgi energetıkalyq qorlardyń joǵary tozýyn eskere otyryp, energetıkalyq sektordy 2060 jylǵa deıin jańǵyrtý shamamen 305 mlrd AQSh dollary ınvestısııasyn tartýdy talap etedi. Qosymsha ınvestısııalardy tartý kómir stansalaryn jańǵyrtý, bý-gaz qondyrǵylaryna kóshirý jáne jasyl sýtegin damytý úshin qajet. Kómirtekti ustaý jáne saqtaý tehnologııalaryn engizý úshin 37,5 mlrd dollar kóleminde ınvestısııa qajet bolady», dedi Serikqalı Brekeshev Ortalyq kommýnıkasııalar qyzmetindegi baspasóz máslıhatynda.
Al Energetıka birinshi vıse-mınıstri Murat Júrebekov elimizdiń energetıkalyq qýaty 23 MVt-ty quraıtyndyǵyn, onyń 53 paıyzynyń tozyǵy jetkenin aıtady.
«Sol sebepten 2009 jyldan bastap 4,5 myń MVt qýatty jańǵyrttyq. Degenmen, qalǵan 40 paıyzyna ınvestısııa tartyp, qaıta jańǵyrtý jumystaryn júrgizýimiz kerek. Sol úshin ınvestısııa qajet», dedi ol.