Áleýmettik jelide Almatyda mektep oqýshysy 11 qabattan sekirip ketti degen aqparat tarap jatyr, dep habarlaıdy Egemen.kz.
Almaty qalasy hımııa-bıologııa baǵytyndaǵy Nazarbaev Zııatkerlik mektep ákimshiligi aqparatty rastady.
«2021 jylǵy 28 qazanda oqýshy oqýdan tys kezinde jazataıym jaǵdaıǵa ushyrady. Qazirgi ýaqytta tergeý amaldary júrgizilýde. Kámeletke tolmaǵan balanyń jáne bastalǵan tergeýdiń múddesi úshin mektep qosymsha aqparatty bere almaıdy», dep habarlady bilim mekemesi.
Almaty qalalyq polısııa departamenti atalǵan fakti Qazaqstan Respýblıkasy Qylmystyq kodeksiniń 105-baby boıynsha Bostandyq aýdandyq polısııa bóliminde sotqa deıingi tergep-tekserýdiń biryńǵaı tizilimine tirkelgenin málim etti.
«Oqıǵanyń sebepteri men mán-jaıy óndiris barysynda anyqtalady. Sot-medısınalyq saraptama taǵaıyndaldy», dep habarlady polısııadan.