Jedel-izdestirý is-sharalary kesheniniń nátıjeleri boıynsha «mefedron» jáne «alfa-PVP» sıntetıkalyq zattarynyń óndirisi boıynsha 2 esirtki zerthanasyn uıymdastyrǵan Qyrǵyzstan azamaty men Qazaqstannyń tórt azamaty ustaldy, dep habarlaıdy Egemen.kz QR UQK baspasóz qyzmetine silteme jasap.
2021 jylǵy qazanda QR UQK Almaty qalasy boıynsha Departamenti Almaty qalasy prokýratýrasynyń úılestirýimen óńir aýmaǵynda sıntetıkalyq esirtkilerdiń iri partııalaryn ınternet-resýrstar arqyly daıyndaýǵa jáne ótkizýge qatysy bar 2 esirtki tobynyń qyzmetin ashyp, jolyn kesti.
Tintý is-sharalaryn júrgizý nátıjesinde 4 kg sıntetıkalyq esirtki men olardyń 40 lıtr jartylaı fabrıkaty, 1 kg gashısh, 20 kg-nan astam prekýrsorlar men zerthanalyq jabdyqtar tabylyp, tárkilendi. Qylmystyq taýar áleýmettik messendjerler arqyly, jasyryn betbelgilerdi júzege asyrý arqyly baılanyssyz túrde satylǵany anyqtaldy.
Atalǵan faktiler boıynsha QR UQK Almaty qalasy boıynsha departamenti sotqa deıingi tergep-tekserý materıaldaryn QR QK 297-baby 3-bóligi boıynsha SDTBT-ǵa tirkedi.
QR UQK baspasóz qyzmeti atap ótkendeı, esirtki quraldary men prekýrsorlardyń iri partııalaryn Almaty qalasynyń «qara bazaryna» qolmen daıyndaý men jetkizýdiń ósýi jalǵasýda. 2021 jyldyń basynan beri UQK departamenti Esirtki quraldarynyń zańsyz aınalymynyń 18 faktisiniń jolyn kesti, sıntetıkalyq esirtki óndirý jónindegi 10 jasyryn esirtki zerthanalarynyń qyzmetin joıdy. Zańsyz aınalymnan 255 keli esirtki tárkilendi. Esirtki bıznesimen aınalysqan 33 adam ustalyp, qylmystyq jaýapkershilikke tartyldy.