Qazgıdromet 2021 jylǵy qarashaǵa arnalǵan konsýltatıvtik aýa raıy boljamyn jarııa etti, dep habarlaıdy Egemen.kz.
«Qarasha - kúzden qysqa birtindep aýysý kezeńi.
Birinshi onkúndiktiń basynda Qazaqstannyń soltústiginde, shyǵysynda jáne ortalyǵynda, 3 qarashadan bastap elimizdiń ońtústik óńirlerinde, onkúndiktiń sońynda respýblıkanyń soltústik-batys jartysynda atmosferalyq aýa aǵyndarynyń ótýine baılanysty jańbyr men qar jaýady, tuman, kóktaıǵaq, jeldiń kúsheıip, keı jerlerde burqasyn bolady.
3-4 qarashada respýblıkanyń basym bóligi Karsk teńizi aýdandarynan yǵysatyn sýyq antısıklonnyń yqpalynda bolady, aýa temperatýrasynyń tómendeýi saldarynan aıaz túsýi múmkin (batys aımaqtardy qospaǵanda): - Qazaqstannyń batysynda túnde 0,+8°S-tan -5+2°S-qa deıin, kúndiz +10+18°S-tan 0,+10°S-qa deıin; - eldiń soltústik-batys jartysynda, ortalyǵynda jáne shyǵysynda túnde -5+5°S-tan -5-15°S-qa deıin, qıyr shyǵysta -20°S-qa deıin, kúndiz +2+8°S-tan -3-10°S-qa deıin; - QR ońtústiginde jáne ońtústik-shyǵysynda túnde -3+5°S-tan -1-13°S-qa deıin, kúndiz +10+16°S-tan -5+3°S-qa deıin. Biraq kezeńniń ortasynan bastap temperatýra birtindep joǵarylaıdy dep kútilýde.
Ekinshi onkúndiktiń birinshi jartysynda Qazaqstannyń basym bóliginde aýa raıyn soltústik-batys sıklon anyqtaıtyn bolady, soǵan baılanysty qubylmaly aýa raıy kútiledi: ekpindi jel, burqasyn, jaýyn-shashyn (kóbinese qar túrinde) bolady.
Sodan keıin sýyq aýa massalarynyń Reseı aýmaǵynan enýimen ekinshi onkúndiktiń sońynda, úshinshi onkúndiktiń basynda jáne sońynda temperatýralyq fonnyń tómendeýi boljanady. Respýblıkanyń soltústiginde, soltústik-batysynda, shyǵysynda jáne ortalyǵynda eń sýyq kúnderi termometr baǵanalary túnde -17-25°S-qa deıin, kúndiz -8-13°S-qa deıin, al eldiń batysynda, ońtústiginde jáne ońtústik-shyǵysynda – túnde -5-17°S-qa deıin, kúndiz -2-7°S-qa deıin túsýi múmkin. Kúndizgi ýaqytta eldiń soltústik jartysynda aıazdyń álsireýinde aýa temperatýrasy álsiz oń mánder sheginde bolady, ońtústik jartysynda aýa temperatýrasy +3+12°S-qa deıin joǵarylaıdy.