Bıylǵy jyldyń úsh toqsanynda Qazaqstanda elektr energııasyn óndirý 83,6 mlrd kVt/saǵ-ty qurady. Bul bir jyl burynǵyǵa qaraǵanda 7,7%-ǵa kóp, dep habarlaıdy Egemen.kz Ranking.kz-ke silteme jasap.
Elektr energııasyn tutyný Ońtústik aımaq boıynsha 12%-ǵa deıin artqan.
Qazaqstannyń úsh óńirinde - Atyraý, Pavlodar jáne Soltústik Qazaqstan oblystarynda elektr energııasy artyǵymen tutynyp jatsa, qalǵan óńirlerde energııa tapshylyǵy baıqalady. Olardyń kóbinde tutyný óndiristen birneshe ese asyp túsedi.
Jaryqty tutyný kóleminiń ulǵaıýy elimizdiń barlyq óńirinde tirkelgen, eń kóbi - Qyzylorda (jylyna 16,5%), Batys Qazaqstan (14,3%), Aqmola (14,2%), Túrkistan (12,7%) jáne Almaty (11,4%) oblystarynda.
Aıta ketsek, elektr energııasyn tutynýdyń mundaı ósimi ótken jylǵy kórsetkishterden kúrt asyp túsedi. 2020 jyldyń uqsas kezeńinde elektr energııasyn tutyný kóleminiń ósimi tek 1,5%, 2019 jyly - 1,6% quraǵan bolatyn.