UFC basshysy Dana Ýaıt Bellator atynan synǵa túsip júrgen aralas jekpe-jek áleminiń ańyzy Fedor Emelıanenkony ózi basqaratyn uıymǵa jolatpaıtynyn aıtty, dep habarlaıdy Egemen.kz.
«Ol «Ýaıttyń basynda tek aqsha týraly oılar júredi» degen áńgime taratty. Birinshiden men ony tanymaımyn, ol da meni bilmeıdi. Bir ǵana márte jolyqqanbyz. Sol kezde men oǵan usynys aıttym. Aqsha týraly oılaǵan men emes, ol.
Ol UFC-de tym bolmasa bir kezdesý ótkizýi múmkin be? Men oǵan ondaı usynys jasaǵanmyn. Jaýap bolmady. Múmkin men Fedorǵa unamaıtyn shyǵarmyn. Sondyqtan da ol bizdiń uıymda segiz buryshqa shyqpaıdy», dedi ol 45 jastaǵy reseılik aralas jekpe-jek sheberi jaıly oıyn bildirip.