Ishki ister mınıstrligi qazaqstandyq júrgizýshilerge úndeý jarııalady, dep habarlaıdy Egemen.kz.
«Ishki ister mınıstrligi qaýipsiz kólik júrgizý úshin aýa raıynyń áserin, jaýyn-shashyn kezinde joldyń durys kórinbeıtinin, sondaı-aq, jol sapasynyń ózgerisin eskerý mańyzdy ekenin eske salady. Sondyqtan júrgizýshilerge aýa raıy jaǵdaılaryn eskerý, jyldamdyq pen avtokólikter arasyndaǵy qashyqtyqty saqtaý, aýa raıy nasharlaǵan kezde eldi mekenderden tys jerlerge shyǵýdy shekteý mańyzdy», delingen habarlamada.
Sondaı-aq, IIM avtokólik ıelerinen aýa raıynyń ózgerisin muqııat qadaǵalap, aýa raıy men joldardyń jabylýy týraly aqparat pen arnaıy habarlamalardy eskerýdi suraıdy.