21-31 qazan aralyǵynda Lıtvanyń Vılnıýs qalasynda paýerlıftıngten Álem chempıonaty ótti, dep jazady Egemen.kz.
Bul saıysta Shymkent qalasynyń keshendi joǵary sport sheberligi mektebiniń sportshylary «Jatyp syǵymdap kóterý» jattyǵýy boıynsha 11 júlde jeńip aldy: 6 – altyn, 2 – kúmis jáne 3 – qola.
Atap aıtqanda, áıelder arasynda Ksenııa Han (76 keli) 2 altyn, Alevtına Nıkolaeva (84 keli) 1 altyn, Azıza Abdýraımova (84 keli) 1 qola júldege ıe boldy.
Erler arasyndaǵy básekede Aıdar Qoshqarov 1 kúmis jáne 1 qola, jasóspirimder arasynda Rýslan Kárimbekov (53 keli) 2 altyn, Javlan Shaýkatov (93 keli) 1 altyn, Tohırjon Abdýrahmanov (105 keli) 1 kúmis jáne Qýanyshbaı Tólegenov (74 keli) 1 qola júldege ıelik etti.
Paýerlıftıng boıynsha túrli halyqaralyq jarystarda Qazaqstan sportshylarynyń jeńisti dástúri bar. Onyń ishinde Shymkent qalasynyń keshendi joǵary sport sheberligi mektebiniń shákirtteri joǵary jetistikterge qol jetkizýde.