Elorda turǵyny belgisiz adamnyń onyń aqshasyn alaıaqtyq jolmen ıemdengeni týraly ótinishpen polısııaǵa júgingen, dep jazady Egemen.kz Nur-Sultan qalasynyń Polısııa departamentine silteme jasap.
Tergep-tekserý jumystaryn júrgizý barysynda jábirlenýshi avtokólikti satatyn saıttan kólikti tańdap otyryp, habarlandyrýdan 12 mln teńgege «Toıota Kamrı 70» markaly avtokóligi satylymda turǵanyn kórgeni anyqtalǵan. Satýshy aqsha qatty qajet etetindikten kólikti arzan baǵamen beretinin túsindirgen. Keıin olar kezdesip kólikti kórip shyǵyp, 11 mln 700 myń teńgege kelisedi de, jábirlenýshi satyp alýdy sheshedi. Kúdikti satyp alýshydan 11 mln teńgeni alyp, kóliktiń kiltin tabystap, tolyq esepteskennen soń kóliktiń qujattaryn resimdeýge ýáde beredi.
Sodan atalǵan avtokóliktiń jalǵa alynǵany, ıaǵnı alaıaq ony jalǵa alyp keıin satý týraly habarlandyrýǵa bergeni anyqtalǵan.
Jedel-izdestirý is-sharalaryn júrgizý barysynda elordalyq polıseıler 36 jastaǵy kúdiktini Almaty qalasynan ustap, ýaqytsha ustaý ızolıatoryna qamaýǵa alǵan. QR QK 190-baby boıynsha sotqa deıingi tergeý amaldary júrgizilýde. Qazirgi ýaqytta polıseıler zardap shekkenderdiń sanyn anyqtap jatyr.
Polısııa departamenti azamattardy qyraǵy bolýǵa shaqyrady. Jeke tulǵalardan avtokólik satyp alǵanda, quqyq belgileýshi qujattardy tekserý qajet ekenin eskertedi.