Energetıka mınıstri Maǵzum Myrzaǵalıev elordadaǵy JEO-1 jáne JEO-2 aýystyrý jobasy 2022 jyly aıaqtalatynyn málimdedi, dep habarlaıdy Egemen.kz.
«2022 jyly Nur-Sultandaǵy JEO-1 men JEO-2-ni gazǵa aýystyrý jobasy aıaqtalady. Almatyda úsh JEO-ny gazǵa aýystyrý jumystary júrgizilip jatyr. Jalpy qýaty 1300 megavatt bolady. Aıaqtaý merzimi 2026 jylǵa deıin belgilendi», dedi mınıstr Úkimet otyrysynda.
Budan basqa, eldiń ońtústiginde qýaty 2 150 megavatt bý-gaz qondyrǵylaryn salý máselesi pysyqtalyp jatyr.
«Temirtaýda «ArselorMıttal Temirtaý» stansııasyn gazǵa aýystyrý boıynsha jumystar júrgizilip jatyr. Sondaı-aq orta merzimdi deńgeıde taý-ken salasyndaǵy elimizdiń iri kásiporyndaryn kómirden gazǵa kóshirý josparlanǵan», dep tolyqtyrdy Maǵzum Myrzaǵalıev.