Áıelder arasyndaǵy ÝEFA Chempıondar lıgasynyń 2022/23 maýsymyna arnalǵan kúntizbesi jarııalandy. Eýropanyń elıtalyq týrnırinde elimizdiń namysyn eki komanda qorǵaıdy, dep habarlaıdy Egemen.kz Qazaqstan fýtbol federasııasynyń baspasóz qyzmetine silteme jasap.
Esterińizge sala keteıik, 2021/22 maýsymynan bastap áıelder arasyndaǵy ÝEFA Chempıondar lıgasy jańa formatta oınatylady. Komandalar alǵashqy týrdan bastap Chempıondar joly men Lıga jolynda birneshe topqa bólinedi.
Eki joldyń da irikteý kezeńi birdeı. Birinshi kezeńde komandalar shaǵyn týrnırler formatynda jarysady, onyń jeńimpazdary toptan shyǵady. Ekinshi aınalymda komandalar juptasyp, bir-birimen úıde jáne syrtta oınaıdy.
Aıta keteıik, qazaqstandyq eki komanda da jarysqa alǵashqy týrdan bastap qatysady.
Áıelder arasyndaǵy ÝEFA Chempıondar-2022/23 lıgasynyń kúntizbesi:
Aldyn ala kezeń: 27/28 shilde 2022 jyl jáne 3/4 tamyz 2022 jyl
Birinshi kezeń (shaǵyn týrnır): 2022 jyldyń 18 tamyzy (jartylaı fınal) jáne 2022 jyldyń 21 tamyzy (fınal jáne 3 oryn úshin match)
Ekinshi týr: 20/21 qyrkúıek 2022 jyl jáne 28/29 qyrkúıek 2022 jyl
Toptyq kezeń (1-týr): 19/20 qazan, 2022 jyl
Toptyq kezeń (2-týr): 26/27 qazan 2022 jyl
Toptyq kezeń (3-týr): 23/24 qarasha 2022 jyl
Toptyq kezeń (4-týr): 7/8 jeltoqsan, 2022 jyl
Toptyq kezeń (5-týr): 15/16 jeltoqsan 2022 jyl
Toptyq kezeń (6 týr): 21/22 jeltoqsan 2022 jyl
Shırek fınal: 22/22 naýryz 2023 jyl jáne 29/30 naýryz 2023 jyl
Jartylaı fınal: 22/23 sáýir 2023 jyl jáne 29/30 sáýir 2023 jyl
Fınal (PSV stadıony, Eındhoven, Nıderlandy): 2023 jyldyń 3 nemese 4 maýsymy.