Nur-Sultan qalasynda taǵy bir kóshede birjaqty qozǵalys engiziledi, dep habarlaıdy Egemen.kz «City Transportation Systems» kompanııasynyń málimetine silteme jasap.
«13 qarashadan bastap Nurjol býlvarynan Qonaev kóshesine deıin («Sýly-jasyl jelekjol» turǵyn úı kesheni boıymen) birjaqty qozǵalys engiziledi. Bul sheshim turǵyn úı kesheni turǵyndarynyń kóptegen ótinishi boıynsha kóliktiń kedergisiz ótýin qamtamasyz etý maqsatynda qabyldandy», delingen kompanııa málimetinde.
Atalǵan sheshim «Esil» aýdany ákimdigimen jáne «City Transportation Systems» JShS-men birlesip qabyldanǵan.
«Júrgizýshilerden saq bolýdy jáne jol júrý erejelerin saqtaýdy suraımyz», dep túıindedi kompanııa.