«Vebınarǵa «Aqparatqa qol jetkizý týraly» Zańnyń jańa talabyna sáıkes bıyl máslıhattarda aıqyndalǵan aqparatqa qol jetkizý máseleleri jónindegi ýákilder qatysty. Olar búginde aqparattyq ashyqtyq pen qoljetimdilikti qamtamasyz etýge jaýapty.
Oqytý aıasynda áleýmettik jelilerde jáne resmı saıtta máslıhattardyń qoldanystaǵy zańnamasy men jumys tájirıbesine sholý jasaldy.
Sonymen qatar, «Máslıhattardyń ashyqtyq jáne aıqyndylyq ındeksi» zertteýiniń nátıjeleri tanystyryldy. Ýákiletti tulǵalardy qyzyqtyrǵan barlyq suraqtarǵa jaýaptar berildi.
Qatysýshylar maslıhat sessııalary men turaqty komıssııalardyń otyrystaryn onlaın-translıasııalaýdy uıymdastyrý, olardy anonstaý, memlekettik organdardyń ınternet-resýrstarynyń biryńǵaı platformasyna kóshý jáne depýtattardyń saılaýshylarmen keri baılanys máselelerine asa qyzyǵýshylyq tanytty (Eskertpe: MO IRBP (www.gov.kz) – barlyq ortalyq memlekettik organdar men jergilikti atqarýshy organdar jáne keıbir jergilikti ókildi organdardyń saıttaryn biriktiretin platforma).
Vebınar qorytyndysy boıynsha ýákiletti tulǵalardyń jumysyn jaqsartý jáne máslıhattardyń ashyqtyǵyn arttyrý boıynsha usynystar ázirlendi.
Aıta keteıik, 2020 jylǵy 1 qyrkúıekte, Memleket basshysy Qazaqstan halqyna Joldaýynda máslıhattar otyrystarynyń mindetti onlaın kórsetilimderin engizý qajettiligin atap ótti», delingen mınıstrlik taratqan habarlamada.