Elordadaǵy epıdemıologııalyq ahýaldyń turaqtylyǵyn saqtaý jáne koronavırýstyń odan ári taralýynyń aldyn alý úshin 8 qarashadan bastap saýda oıyn-saýyq ortalyqtaryna endi jumys kúnderi de «jasyl» mártebesi bar azamattar ǵana bara alady, dep habarlaıdy Egemen.kz qalalyq ákimdiktiń resmı saıtyna silteme jasap.
Ákimdik málimetinshe, taldaý nátıjesi boıynsha, úı karantınin buzýshylardyń eń kóp sany dál osy saýda oıyn-saýyq ortalyqtarynda tirkelgen. Saýda oıyn-saýyq ortalyqtary adamdar kóp jınalatyn jáne uzaq ýaqyt bolatyn oryn ekenin eskere otyryp, koronavırýs ınfeksııasynyń taralý qaýpi artady.
Sonymen qatar, kórshi Reseıdegi jáne elimizdiń soltústik aımaqtaryndaǵy epıdemıologııalyq jaǵdaıǵa baılanysty, sondaı-aq qaladaǵy turaqty epıdemıologııalyq jaǵdaıdy saqtaý jáne COVID-19 vırýsynyń odan ári taralýynyń aldyn alý úshin SOO-ǵa barý sharttaryn ózgertý bóliginde shekteý is-sharalaryn kúsheıtý týraly másele qaralyp jatyr.
Bıyl 8 qarashadan bastap qyzmetkerler men kelýshilerdiń qaýipsiz «jasyl» mártebesi bolǵan jaǵdaıda, ıaǵnı vaksınasııa, teris nátıjesi bar PTR testi bolǵan kezde, synamalar alynǵan sátten bastap 7 táýlikten asyrmaı jáne turaqty medısınalyq qarsy kórsetilimderi bar, sońǵy 3 aı ishinde aýyryp jazylǵan adamdar úshin jumys kúnderi jáne demalys kúnderi SOO-ǵa kirý qoljetimdi bolady.