Jyl basynan beri Qazaqstanda 9 myńnan astam órt boldy jáne 300-ge jýyq adam qaza tapty, dep habarlaıdy Egemen.kz Tótenshe jaǵdaılar mınıstrligi О́rtke qarsy qyzmet komıtetiniń tóraǵasy Nurbolat Derbisovke silteme jasap.
«Kún saıyn bizdiń bólimshelerimiz ártúrli sıpattaǵy tótenshe jaǵdaılardy joıý úshin 100-150 ret tapsyrmaǵa shyǵady. Árıne, olardyń negizgi úlesi órtti sóndirýge tıesili. Jyl basynan beri 10 aıda el boıynsha 9 myńnan astam órt boldy. Onda jaraqattanǵandar sany 358 adamdy, qaza bolǵandar sany 297 adamdy qurady. Al 4 394 adam qutqaryldy», dedi N. Derbisov Ortalyq kommýnıkasııalar qyzmetinde ótken baspasóz máslıhatynda.
Onyń aıtýynsha, jalpy, órt kólemi 8%-ǵa, turǵyn úı sektoryndaǵy órt kólemi 13,6%-ǵa tómendegeni baıqalady.
«Degenmen, órt sanynyń jalpy tómendeýi kezinde de qaza tapqandar sany 16%-ǵa, jaraqat alǵandar sany 45%-ǵa ósti», deıdi Nurbolat Derbisov.